ஒரு தடவைதான் காதல் வருமா..?

காதல் என்பது  ஒரு தடவைதான் வரும் அது ஒருத்தர் மேல தான் வரும் இது காதலித்துக்கொண்டு இருப்பவர்கள் அடிக்கடி சொல்லிக்கொள்வது. இது உண்மைதானா என்று உற்றுக்கவனித்தால் பதில் என்னவோ வெறும் பூச்சியம் தான். அதுவும் ஆண்கள் விசயத்தில் ஒரு தடவைதான் காதல் வரும் என்ற விடயம் எல்லாம் மொக்கை  காமெடி மேட்டர், குறிப்பாக சொல்ல போனால் ஒரு தடவை மட்டும் காதலித்த ஒரு பெண்ணை மட்டும்  காதலித்த அந்த என் சக ஆண்மகனை நான் இன்னும் என் வாழ்க்கையில் சந்திக்கவே இல்லை. 

பொதுவாகவே ஆண்களுக்கு மீசை அரும்பும் முன்னே காதல் அரும்பி விடுகிறது, ஒவ்வொரு காலகட்டத்திலும் அவர்களின் காதல் உணர்வு மட்டும் மாறாமலே இருக்குறது ஆனால் காதலிக்கும் பெண்கள் மட்டும் மாறிக்கொண்டே இருக்கிறார்கள், அதற்க்கு அவர்கள் மட்டும் காரணம் இல்லையே அவர்கள் காதலிக்கும் சில பெண்கள் அல்லது  சூழ்நிலை   இவை இரண்டுமே காரணம் ஆகிவிடுகிறது.   காதல்  தோல்விக்காக  உயிரை  மாய்த்துக்கொள்ள பெரும்பாலும் யாருமே தயாராக இருப்பது  இல்லை( காதலுக்காக   உயிரை  விடுமளவுக்கும்  ஒருசிலர்  இருக்கத்தான்  செய்கிறார்கள் ஆனால்  அதுதான்  அவர்களுக்கு  முதல்  காதலா  என்பது  சந்தேகமே )அப்படி அவர்கள் முடிவெடுக்காதர்க்கு பெரும்பாலும் அவர்கள் குடும்பமே காரணமாகிவிடுகிறது,  ஏனெனில் காதலிக்கும் போது எல்லோரும்  உண்மையாகத்தான்  காதலிக்கிறார்கள் ஆனால் எதிர்பாராமல் அங்கே பிரிவு வரும்போது உடைந்து நொருங்கி வாழ்க்கையை வெறுக்கும் அவர்களுக்கு மேலே தொடர்ந்து வாழ்வதற்கு அவர்களை சுற்றி உள்ள குடும்ப உறவுகள் காரணம் ஆகிவிடுகிறது,  உறவுகளுக்காக வாழ தொடன்கின்றவர்கள் நாளடைவில் இன்னொரு காதலில் விழுவதும் பின் அங்கேயும் தோல்வி வருவதும்,   இப்படி அவர்கள்   வாழ்வில்  காதலும்  தோல்வியும் தொடர்கதை ஆகிவிடுவதுதான் நிதர்சனமான உண்மை.

ஒருதடவை வந்தால்தான் அது காதல்..!  இது நம்மிடையே இருக்கும்
மகா  நடிகர்கள்  சொல்லி கேட்டு இருக்கிறேன். அப்போ நீங்க இப்போ
கல்யாணம் பண்ணிக்க போறது நீங்க முதல் காதலிச்ச பொண்ணையா
என்று கேட்டால் அவர்கள் உதட்டில் தெரியும் நமட்டு சிரிப்பே
அவர்கள் யோக்கியத்தைக் காட்டிகொடுத்து விடும். ஆணோ பெண்ணோ
ஒருதடவைதான் காதல் வரும்   நான் உன்னைமட்டும்தான் காதலிக்குறேன்
போன்ற வசனங்களை அவர்களின் பாட்டனரிடம் ஒரு நம்பகத்தன்மையை
ஏற்படுத்தவே பயன் படுத்துகிறார்கள்.  அவர்கள் சொல்லும் அந்த வசனங்களின்  உண்மைத் தன்மை என்ன என்பது அவர்களுக்கு நன்றகவே
தெரியும், 

பிரான்சில் எனக்கொரு நண்பன் இருக்கிறான் நட்பில் கூட இவ்வளவு பிரியத்தை வைக்க முடியுமா என என்னை நெகிழ வைப்பவன். அவனைப்போலவே அவன் பேசும் தமிழும் அழகாக இருக்கும்,   பிரான்சில் பிறந்து வளந்ததாளவோ என்னவோ அவன் தமிழுக்கும் நமிதா தமிழுக்கும் பெரிசாக வித்தியாசம் இல்லை.  ஒரு நாள் வந்து ஒரு பெண்ணை அறிமுகப்படுத்துவான் மச்சி இதுதாண்டா நான் கட்டிக்க போற பொண்ணு என்று உடனே நானும் ஹாய் சிஸ்டர் (வேறுவழி, அவ்வ..)  என்று என்னை
அறிமுகப்படுத்தி வைப்பேன், சில மாதங்களின் பின் இன்னொரு பொண்ணுடன் வந்து இவ என் உயிரடா இவ இல்லாட்டி செத்துடுவண்டா எண்டு உருகுவான் நானும் வரும் கடுப்பை எல்லாம் மனசுக்க அடக்கி வைச்சுக்கொண்டு ஹாய் சிஸ்டர் எண்டு பழைய  பல்லவியை பாடி என்னை அறிமுகப்படுத்தி வைப்பேன் ஆனால் என்ன பயன் இன்னும் சில மாதங்களின் பின் இன்னொரு பொண்ணுடன் வந்து நிப்பான்   அதே அசடு வழியும் புன்னகையுடன்.  மச்சான் இதுவரை மொத்தம் எத்தனை காதலடா உன் வாழ்கையில் என்று கேட்டால் இரண்டு கைவிரல்களையும் எண்ணி முடித்து கால்விரல்களுக்கு சென்றுவிடுவான்.

என் நண்பனின் காதல்கதைகள் கொஞ்சம் முகச்சுழிப்பை ஏற்படுத்தினாலும்
இன்றைய  அவசரகால வாழ்க்கையில் பெரும்பாலரின் காதல்களும் கிட்டத்தட்ட
இதே நிலையில்தான் இருக்கிறது.   என் வாழ்க்கையில் கூட பல காதல்கள்

கடந்து வந்து இருக்குறேன் இதை எப்போதும் யாரிடமும் நான் மறைத்ததும் இல்லை இதை சொல்வதற்காக வருத்தப்பட்டதும் இல்லை.

உண்மைகள் எப்பவும் கசப்பாகத்தான் இருக்கும் ஆனால் அந்த உண்மைகளை பேசி உண்மையாக இருக்கும் போது கிடைக்கும் மன நிறைவு எத்தகையது என்று அனுபவிப்பவர்களுக்கு மட்டுமே தெரியும்.

ஒரு தடவைதான் காதலிக்க வேண்டும் அந்த முதல் காதலியைத்தான்
திருமணம் செய்யவேண்டும் என்றொரு நிலை வந்தால் இங்கே யாருமே   கல்யாணம் கட்ட முடியாது என்பதுதான் நிதர்சனமான உண்மை. மொத்தத்தில் ஒரு தடவைதான் காதல் வரும் என்பது நம் தமிழ்  சினிமாவின்  நாயகன் நாயகிக்கு  மட்டுமே சாத்தியம்.